Жалпы мәлімет

Жалпы ақпарат «Астана қаласының ақылы көлік тұрағы кеңістігін құру, пайдалану және басқару" Жобасы туралы 

Автокөлікті тұраққа қою құны: 1 сағатқа  100 теңге

Жұмыс кестесі (кеңсе):  жұмыс күндері  9:00- ден 18:30-ға дейін

Жұмыс кестесі (Клиенттер қызметі ): жұмыс күндері  8:00- ден 20:00-ге  дейін 

Төлеу уақыты: көлікті тұраққа қойған сәттен  бастап алғашқы  30 минут ішінде

Тұрақтан шығып кету уақыты: тұрақ сессиясы біткен сәттен бастап  10 минут ішінде

Төлеу ережесі:  тұрақ ақысын  ұсынылған төлем тәсілдерінің бірін қолдану  арқылы төлеуге болады. Тұрақ ақысын төлеудің барлық  тәсілдерімен astanapark.kz  сайтының  "Төлеу тәсілдері"  бөлімінде таныса аласыз. Айыппұл мөлшері: тұрақ ақысын төлеуден жалтарған адамға  3 АЕК  мөлшерінде  айыппұл салынады,  ал  мұндай жайт  бір жыл ішінде тағы қайталанған болса,  айыппұл мөлшері  5 АЕК құрайды.

Жобаны жүзеге асыру мақсаты

«Астана қаласының ақылы көлік тұрағы кеңістігін құру, пайдалану және басқару" Жобасы қаланың көше-жол желісінің  жүгін жеңілдету  және жаяу жүргіншілер мен көлік құралдары қозғалысы үшін  қолайлы жағдай жасау мақсатында жүзеге асырылған.

Жобаның негізгі міндеттері:•

  • Көше-жол желісінде көлікті тұраққа қою ережесінің бұзылу жайттары санын азайту;
  • Ақылы көлік тұрағы аймақтарында көліктің барлық түрлерінің  қозғалыс жылдамдығын арттыру;
  • Тұрақ орындары айналымын арттыру;
  • Ақылы тұрақтар аймағына кіретін жеке автокөліктер легін қысқарту  және тұрғындарды қоғамдық көлікті пайдалануға ынталандыру.

Ақылы көлік тұрағы кеңістігіне қатысты нормативтік құқықтық актілер тізімімен astanapark.kz сайтының "Жоба туралы"  бөлімінің  "Нормативтік- құқықтық  актілер" қосымша парағында танысуға болады. Жоба  жайлы және Астананың ақылы көлік тұрағы кеңістігінің жұмысы туралы толығырақ ақпарат алу үшін  8-800-080-28-88  және support@ppa.kz  электронды поштасына хабарласуыңызға болады.